تحب تفتكر زمان وانتا صغير

يا جماعه فاكرين اغنيه

زمان وانا صغير...
اغنية قديمة لهشام عباس

زمان وانا صغير كنت بحلم ابقى كبير تعب القلب واتحير م الدنيا وم المشاوير

الحلم كان برىء مفروش بالورود والقلب كان جرىء مليان بالوعود

ولما كبرت قولت يا ريت ما كنت حلمت ولا اتمنيت قولت يا ربتنى فضلت صغير زى زمان

انا من صغر سنى حاسس بشىء جوايا
وحلمت زمان اغنى والكون يسمع غنايا
غنيت غنيت وفى وسط الغنوة بكيت
ولقيت الكون كله بيتغير قولت يا ريتنى فضلت صغير

حلمت زمان ببيت وبقلب يكون معايا
وم الاحلام صحيت على جرح ملوش نهاية

وداريت وداريت الجرح فى قلبى داريت
ولقيت العمر يا دنيا قصير قلت يا ريتنى فضلت صغير

ياااااااااااااااااه يا جماعه متيجى كده بصراحه نتكلم مع بعض فى ايام الطفوله
نفسك ترجع تانى ايام الطفوله ؟ اه ولا لا
وليه

يعنى انا افتكر يا جماعه انى كنت شقى شقاوه
الدنيا كلها كانت تطلع تشتكى لامى منى هههههههههه
ههههههههههههههههههههههه
مع انى كنت صغير جدا يعنى مثلا وانا عندى 8 او 9 سنين
كنت احب العب كوره اوى فى الشارع والعب
( بلى )
( سبع طوبات )
( شيك على العالى وشيك على الواطى )
وكهربه
وحجات كتيير يعنى

ديه كانت الالعاب بتاعتى
وطبعا مصايبتى كانت كتيير

فاكرين اللالعاب ديه بقلكو ايه يا جماعه ياريت كل واحد ييجى يرد على الموضوع ده يقول
كانت ايه العابه وايه المصايب بتاعته وايه الحجات الكويسه الى
كانت فيه ويارب بس اشوف انا مش عايز ردود انا عايز مناقشه

الموضوع فى غايه الروعه يا شادى بجد بجد موضوع جامد طحن

نصيحه ردى هيكون طويل اوى لان دى الطفوله يا جماعه
يااااااااااااااااااااااااااااااااااااه يا شادى انت بجد جيت على حاجه الواحد بتمناه فى الوقت ده

انا دلوقت فعلا بقول ياريتنى ارجع صغير

لانى بجد مش قادر انسى صغرى وشقاوتى وانا صغير كنت يا شادى شقى اوى كان ليه كل يوم اكتر من خناق

كنا لازم كل يوم نلعب حتى لو كان فى ايه

اقولك بقه على اليوم بتاعى يا شادى وبجد لسه لحد دلوقت فاكر كل حاجه من زمااااااااااااااااااان

كنت طبعا اروح المدرسه وانا مش عايز اروح المهم كنت اروح وقبل ما اروح اجيب ب25 قرش لب عشان لو زهقت فى الفصل الاقى حاجه تسلينى
ده وانا عندى 8 سنين
المهم
كنت اكمل اليوم وانا زهقان طبعا كنت بقه احب اروح الدرس الى بعد المدرسه ده مووووووووووووووووت

كنا نقعد فى الدرس انا وكام واحد كده من صحابى فى اخر الاوضه ونفضل نلعب ملك وكتابه على ضرب يعنى اللى يقول صح يضرب التانى

وكان طبعا البلى فى الشنطه بس مش كنا بنلعب فى الدرس كنا نخرج من الدرس نتخانق شويه وبعد كده نوزع نفسنا كام جروب كده يلعبو مع بعضهم

انا كنت لعيب بلى موووووووووووت والله كنت بحب العبه مووووت

نفضل نلعب بقه لحد العصر يعنى اروح متأخر كالعاده تروح جايه ماما مزعقه شويه وبعد كده خلاص لان قلبها طيب اصلا
اروح جاى واكل عقلها بكام كلمه عشان اعرف اطلع العب كورة نروح بقه نلعب كورة من الساعه 4 الى 6

نروح بقه باللبس مدبهدل ومتوسخ بقه وطالع عين اهله امى تقولى خش غير اقولها لا انا هغسل وهخرج عشان العب ف الشارع تقولى هو انت مش لسه جاى اقولها اه انا فعلا لسه جاى بس جاى من لعب الكورة لكن انا دلوقت رايح العب شيك شيك على الواطى وعلى العالى
ونلعب كهربا برضه وبرضه السبع طوبات ونلعب حاجه اسمها الطرمبيطه وحاجه اسمها صنم وحاجه اسمها بلطج بس كان لعبه خطر شويه بس عادى كنا بندوس فى الحديد

المهم فى الاخر يا شادى اروح البيت على 12 كده اخد بقه الطريحه بتاعتى واخش انام عشان المدرسه الصبح

ويسلام بقه على يوم الجمعه ده اخرج من البيت على الساعه سبعه لانى طبعا متعود اصحى بدرى ديما نفضل نلعب كورة لحد الادان ما يدن نروح نصلى وبعد كده نيجى نلعب حبه بلى لحد الجوما يهدى فى الحر شويه
ونرجع نلعب كوره على الساعه 4 كده

وكده خلاص انا تقريبا زهقتقم بس يلا بقه ايام الطفوله وياريته تيجى تانى على الاقل وقتها مكنش فى حاجه اسمها عيب

ومشكووووووووووووور يا شادى على موضوعك الفااااااااااااااااااااااااااااااااااااااااجر ده

ههههههههههههههههههههههههههههههههههههههههههههههههههههههههه
تمام اوى يا جماعه بعد ازنكو الى يدخل يحط موضوع ميقولش انا موضوعى كبير لا لازم فى موضوع زى ده يبقى كبير
وتحكى المصيبه الى عملتها كبيره اوى
وتحكى الالعاب بتاعك وكل حاجه

اما انا بقا فانا هاطول كتييير مووووووووووت
اسممعو بقا ايام شقاوتى انا

بصو يا جماعه انا طبعا كنت فيا شقاااااااااوه ورخامه كبيره جداااااااااااااااا
مكنش حد بيحبنى فى الشارع خالص من كتر شقاوتى كانت ماما دايما الناس يتطلعو يشتكولها منى
هههههههههههههههه
المهم اول واكبر مصيبه من مصايبى والمصيبه الوحيده الى مقدرش انساها لانه مشكله كبيره جدا
المهم الاول احكيلكم سيستم حياتى انا طبعا من عيله ماشين على القواعد والادب وكده ومن كتر مشاكلى طبعا كانو فى البيت بينفخونى
الطبيعى انى بروح المرسه كل يوم الصبح ده الطبيعى ارجع امى متسبنيش غير لما ادخل اذاكر لغايط ساعتين مثلا المهم انا كنت ساكنين فى بيت كنا فى الدور الاول وتحت البلكونه بقا فيه حلاق الباب بتاعه كله ايزاز المهم وانا عندى 8 سنين كانت وقفه العيد بقا والواحد فرحان راح يصلى العيد مع اخوه وكده بقا المهم راجع من الصلاه انا كنت بعشق الكموره عشق يعنى غريب هوا والبلى والشيك على العالى وشيك على الواطى والسبع طوبات وكهربا وثبت صنم وسمكه وايه تانى مش مشكله المهم انى فاكر دولل المهم فانا ايه راجع من الصلاه وصحابى قالولى تيجى تلعب معانا كوره طبعا لازم اقول اه ف فى وسط اللعب صحبى ضربنى خدت فاول وانا بشوط الكوره انا شوطها ومتاكد انها جوووووووووووووون المهم انا شوطتها من هنا وقمت جارى وبقول جوون من قبل معرفش وفجاءه !!!!!!!!!!!!!!!!!! سمعت صوت ايزاز بيقع على الارض وبيدغدغ انا ببص عادى لا قيت الكوره على رجل الراجل الى كان بيحلق ههههههههههههههههههههه
والايزاز اتكسر انا شوفت الموقف ده طبعا مكنش رد فعلا سريع وفضلت واقف معرفتش اتحرك جيه بقا صاحب المحل اسمه عم صلاح مسكنى من قفايا وطلعنى لامى المهم خد هووا الفلوس بتاعة الاايزاز ونزل ومن ساعتها انا العيد ده انا معيدتوش طبعا ملعبتش كوره من ساعتها غير كل فين وفين وكان بيبقى بليل بعد ما المحلات تقفل بس لغايط 15 سنه بدءات ارجع للعب تانى
بس فى المراكز الشباب بقا وكده بس فى اليوم ده اضربت ضرب مش على بال حد
كالت علقه سخنه جداااااااااااااااااااااااااااااااااااااااااااااا
بس كده وفين ايام العيال يا جماعه بجد بجد بجد بجد كانت احلى ايام ايام مكنا صغيرين على الاقل مكنش فعلا فيه حاجه اسمها عيب لانك صغير ماتفهمش حاجه ومش شايل هم لا كان كل الى فى حياتك تروح المدرسه ترجع تذاكر تنام تصحى تلعب وترجع تنام ...... والخ

اهيه ايام وعدت

انا بقي كنت هادي جدا مكنتش شقي وكنت احب المدرسة اوي علشان فيها اصحابي وعلشان البسكوت اللي كنا بناخده
تغذيه والحمد لله كنت محبوب حتي لو كنت اغيب يوم كانت مدرسة العلوم تاخد البسكوته بتاعتي وتدهالي تاني يوم لما ارجع
اما في الشارع كنا بنلعب العاب كتير نبني بيوت ونلعب شكشك عالي ونطه العجل هههههههههههه
وصنم
علي فكرة يا ابراهيم لعبنا صنم وكنا 30 واحد يعني الصف 15 تخيل انته اللي حصل لي كان نازل
ونلعب طيران بس مكنتش احب العب بلي ولا نحله خالص
ويسلام علي حب العيال الصغيرين كنت بحب بنت الجيران بس كانت قمر
اكتر شئ الواحد يحبه في الطفولة هو راحه البال مكنش فيه هموم ولا مشاكل زي دلوقت
الواحد بيكبر وبتكبر معاه مشاكله
موضوعك جااااامد يا شاااااادي بجد انته واااااااد محترم
ربنا معاك يا مان وتدي المنتدي كمان وكمان

ربنا يخليك يا حبيب قلبى